Málefnaskráin | Framsokn Akureyri

Tökum pólitíska ábyrgð alvarlega. Kjörnir fulltrúar eru kosnir til að taka ákvarðanir og fylgja verkefnum eftir. Þannig vinnum við.
Skýr stefna í fjármálum. Mótum skýra fjármálastefnu með forgangsröðun verkefna, mælanlegum markmiðum og eftirfylgni.
Sanngjörn gjaldtaka. Það er pólitísk ákvörðun að hækka gjöld á íbúa. Þótt fasteignamatið hækki þá þýðir það ekki sjálfkrafa að þín gjöld eigi að hækka.
Verjum þjónustu, innviði og störf. Berjumst fyrir hagsmunum íbúa og atvinnulífs, það skiptir máli.
Ánægðir starfsmenn. Fyrirtækin vita að ánægður starfsmaður er betri starfsmaður. Leggjum áherslu á starfsánægju og gott starfsumhverfi.

Sterkar rætur, stöðug gróska. Styðjum við akureyskt atvinnulíf og sköpum virkan vettvang fyrir samvinnu.
Sækjum nýjar fjárfestingar og fólk með öflugri markaðssetningu. Byggjum undir gróskufullt atvinnulíf fyrir komandi kynslóðir.
Undirstöðurnar skipta máli. Berjumst fyrir öruggri heimahöfn verk- og tæknigreina á Norðurlandi.
Meira pláss og sveigjanleiki. Setjum á fót geymslusvæði þar sem einstaklingar og fyrirtæki geta leigt öruggt rými fyrir tæki og tól.
Nægt framboð atvinnulóða sem mætir eftirspurn og laðar að nýja starfsemi.

Hlustum á þarfir íbúa. Aukum framboð af íbúðum fyrir alla hópa samfélagsins með margvíslegum leiðum. Hefjum átak í húsnæðismálum ungs fólks.
Ódýrara húsnæði. Auglýsum lóðir undir hagkvæmt húsnæði. Förum í hugmyndasamkeppni og finnum nýjar lausnir.
Fjölbreyttar og skemmtilegar lóðir. Skipuleggjum skemmtilegar einbýlishúsalóðir og lóðir undir rað- og parhús.
Lóðarskortur er dýr. Tryggjum framboðshliðina með lóðir sem hilluvöru og festumst ekki í útboðsleiðinni.
Byggjum ekki of þétt í nýjum hverfum og gerum ráð fyrir grænum svæðum og nægum bílastæðum.

Styðjum við skólastarf þannig að öll börn fái notið sín og kennarar finni fyrir stuðningi.
Grípum öll börn. Fylgjum Farsæld barna eftir og berjumst fyrir kerfi sem virkar. Tryggjum viðeigandi stuðningsúrræði hverju sinni.
Fjölbreytt nám. Sköpum góða aðstöðu fyrir verk- og skapandi greinar til að efla fjölbreytta færni og undirbúa nemendur fyrir framtíðina.
Hlúum að krílunum okkar. Setjum gólfhita í ungbarnadeildirnar okkar.
Aukum öryggi. Setjum umferðaröryggi skólabarna á dagskrá.
Tryggjum jafnræði þannig að foreldrar borgi það sama á leikskóla og hjá dagforeldri.

Frístundir barna. Við viljum sjá gott framboð af skipulögðu frístundastarfi. Aukum opnunartíma félagsmiðstöðva, bjóðum upp á spennandi klúbba og komum á sumarfrístund.
Komum til móts við ólíkar þarfir. Styrkjum úrræði eins og Íþróttir fyrir alla, Íþróttafélaginn og frístundastarf barna með fötlun.
Það er gott að prófa fyrst. Fáum íþróttahreyfinguna í lið með okkur og gefum yngstu iðkendunum tækifæri á að prófa fleiri íþróttagreinar.
Gerum þetta almennilega. Við viljum byggja upp metnaðarfull íþróttasvæði sitthvoru megin við Glerána.
Útivist og jaðarsport. Hér er allskonar - höldum áfram að byggja upp útivistarsvæðin okkar og styðja við fjölbreytt íþrótta- og tómstundastarf.

Aðstaðan skiptir máli. Kraftmikið félagsstarf eldri borgara kallar á góða aðstöðu. Við viljum gera mun betur.
Íbúðir fyrir 65+ Stórfjölgum íbúðum sem henta eldri íbúum. Fyrsta verk nýrrar bæjarstjórnar ætti að vera að skipuleggja lóð undir lífsgæðakjarna.
Verum virk. Þróum áfram verkefnið Virk efri ár og styðjum við öflugt starf EBAK.
Vinnum gegn einsemd. Ráðumst í markvissar aðgerðir til að draga úr félagslegri einangrun eldri borgara og tryggjum öryggi stærri hóps með Heilsueflandi heimsóknum.
Samþætt þjónusta. Stofnum samtarfsvettvang allra sem koma að þjónustu við eldri borgara. Það er orðið mjög brýnt að samþætta félags-, dags- og heilbrigðisþjónustu.

Fallegur miðbær býr til fjölbreytta þjónustu og góðar stundir. Gerum góðan miðbæ enn betri, enda stærsti áfangastaður Norðurlands.
Upplifunarbærinn Akureyri. Útivist, rómantík, dekur og ævintýri. Sköpum góða umgjörð fyrir frábæra upplifun og markaðssetjum upplifunarbæinn Akureyri.
Það jafnast ekkert á við eyjalífið. Gaman að heimsækja, yndislegt að dvelja. Kynnum tækifærin betur.
Viltu skapa nýja afþreyingu í bænum? Við viljum vinna með þér!